ستي بتقول
المتربي في الخير إن شَم إيده بِشبع، والمتربي عالجوع بمال الدنيا ما بِقنع
بالع راديو
شعور إنك مش لحالك، شعور بِخلّيك تبكي لا إرادياً، إنك تشوف عواصم الدول العربية مُنتفضة ورافعة علم بلدك قبل علم بلدهم شعور أكثر من رائع، شعور إنه إخوتنا العرب عمرهم ما تأخروا عن تلبية نداء إخوتهم بـ فلسطين شعور أكثر من رائع، إنك تشوف دول العالم طلعت عالشوارع عشانك لأنك صاحب حق شعور أكثر من رائع، إنك تشوف التضامن بكل مكان، عالأرض، عالإعلام، عالسوشال شعور بالفخر والنشوة واللذة صعب أوصفه، شعور إلي زمان ما عشته! عشان هيك يا فلسطيني إنت مش لحالك كل العالم معك، هدول اللي لازم نهتم لأمرهم وندعم وجودهم ونبرزهم ونحكي عنهم، إحنا عالإنترنت يا جماعة، الإنترنت بالعربي بنسميها "الشبكة العنكبوتية" وضروري نلاقي بالشبكة شوية حشرات! طنشوهم لأنهم بِحاولوا يعملوا تشويش.. الأفضل هو دعم كل الناس اللي معنا، ندعم صفحاتهم، نتفاعل معهم ونشكرهم، لأني فعلياً بشوف صفحات اللي ضدنا التفاعل عندهم أعلى بكثير من اللي معنا، فلو كرّستوا جهودكم وتعليقاتكم ع صفحات كل المُناصرين لقضيتنا، صفحات الحشرات رح تختفي! وإنتوا عالإنترنت عم بتخوضوا أبشع وأشرس حرب إلكترونية، حرب الوجود الرقمي، كونوا قدها، ولا تساعدوا الحشرات يكون صوتها أعلى من صوتنا
معك خبر ..؟
في حقيقة علمية غريبة، أثبتت الدراسات العلمية أن جسم الإنسان يتلألأ بيولوجيًّا، ويُصدر ضوءًا خافتًا لا يمكن رؤيته بالعين المجردة
