ستي بتقول
إذا بدك تهريه.. اسكت وخلّيه!
بالع راديو
ما تجبِر حدا يضل حواليك، اللي مشغول عنك فاضي لغيرك، واللي بستثقل الحكي معك بيحب يحكي مع ناس غيرك، ما بيمشي الحال تفرض حالك ع حدا أو تلزمه يهتم فيك أو يعطيك من وقتو غصب، بمجرّد ما تحس إنك مش فارق، وإنك موجود زي كإنك مش موجود، وإنك مش أولوية عنده ولا هو مهتم فيك زي ما إنت مهتم فيه، ارجع خطوتين لورا واحمي قلبك، ولا تتعلّق بحدا لا بيكتبلك، ولا بسأل عنك، ولا بهمو شو صاير معك، ولا بيزاحم يومك، ولا بفهمك من غير ما تحكي، ولا بيهتم بتواريخك، ولا بيلاحظ تفاصيلك، ولا بيحس فيك لما تقول "أنا تمام" وإنت مش تمام، ولا بيخطرله يفرّحك أو يعملك مفاجأة، باختصار: ما تعمل حدا أولوية وإنت حتى مش موجود بقائمة أولوياته، وصُون حالك لإلك، لإنك إنت اللي باقي لحالك لو كل الناس غابوا
معك خبر ..؟ 
نصف وجهك الأيمن لا يطابق نصف وجهك الأيسر فعادة هناك عين اكبر من الأخرى وعادة الأذن اليمنى أعلى من اليسرى
ستي بتقول
اللي ما بصبر على مُرّك، ما بستاهل حلوك
بالع راديو
لا تبالغ بالعزلة ولا تهلك نفسك بالمخالطة الزائدة، اختر معارفك بعناية، فلا يهم كم شخص تعرف، المهم كم شخص يستحق المعرفة
معك خبر ..؟
يعاني بعض الأشخاص من متلازمة "جورماند"؛ إثر إصابة في النصف الأيمن من الدماغ الأمامي، وبسببها يبدؤون بتفضيل تناول الأطعمة الجيدة فقط
حالة الطقس في فلسطين المحتلة من شبكة الغد الإعلامية
